Atyraý oblysynda soǵys ardagerlerine 300 myń teńgeden beriledi
06:00, 26 Aqpan 2020
ATYRAÝ. QazAqparat –Atyraý oblysynda soǵys ardagerlerine 300 myń teńgeden qarjylaı syıaqy beriledi, dep habarlaıdy QazAqparat tilshisi.
Qazir Atyraý oblysynda 9 soǵys ardageri bar. Onyń segizi Atyraý qalasynda, bireýi Jylyoı aýdanynda turady. Ardagerlerdiń arasynda jasy eń úlkeni –Aıdyn Aıbarov. Ol bıyl 99 jasqa tolady. Maıdangerlerdiń eń kishisi – 95 jasta.
«Jeńistiń 75 jyldyǵyna oraı 9 ardagerdiń árqaısysyna 300 myń teńgeden qarjylaı syıaqy berý josparlanyp otyr. Sonymen birge, NCOC kompanııasynyń demeýshiligimen ár soǵys ardagerine 750 myń teńgeniń sertıfıkaty beriledi. Sertıfıkattyń jaramdylyq merzimi –bir jyl. Oǵan ardagerler kóńili qalaǵan zatyn satyp alýyna bolady», - deıdi Atyraý oblystyq ardagerler keńesiniń tóraǵasy Qatımolla Rızýanov.