Atyraý oblysynda shopan qystaǵyna qaraqshylyq shabýyl jasalǵan

ATYRAÝ OBLYSY. QazAqparat – Atyraý oblysynda shopan qystaǵyna qaraqshylyq shabýyl jasaýy múmkin kúdiktiler ustaldy, dep habarlaıdy QazAqparat tilshisi.

«9 qańtar kúni keshke Inder aýdanyndaǵy Esbol aýylynyń mańyndaǵy shopan qystaǵyna medıtsınalyq maska kıgen eki adam kirip kelgen. Qylmyskerler abdyrap qalǵan úı ıesin pyshaqpen qorqytyp, barlyq baǵaly zattaryn – uıaly telefon, akkýmýlıator men aqshasyn alyp ketken. Oblystyq polıtsııa departamenti men Inder bólmshesiniń qyzmetshileri júrgizgen jedel izdestirý sharalary barysynda eki kúdikti ustaldy. Qylmysqa qatysy bar bolýy múmkin taǵy eki adam qamaýǵa alyndy. Ustalǵan azamattar – Atyraý jáne Batys Qazaqstan oblysynyń turǵyndary. Olar tergeý ızolıatoryna toǵytyldy», - dedi aımaqtyq polıtsııa departamentiniń baspasóz qyzmeti.

QR Qylmystyq kodeksiniń «Qaraqshylyq» baby boıynsha sotqa deıingi tergeý jumystary júrip jatyr.

Avtory: A. Sokolov