Atyraý oblysynda sheteldik 232 mamannyń jumys isteýine ruqsat berilgen joq
Oblystyq jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Meırambek Aldııarovtyń málimetine súıensek, kompanııalarǵa sheteldik jumys kúshin tartý arnaıy komıssııada qaralady.
Komıssııa músheleri shetel mamandarynyń mamandyǵyn, kásibı biliktiligin jete tekseredi.
«Bıyl Atyraý oblysynyń kompanııalaryna sheteldik jumys kúshin tartý úshin 6 226 kvota bólindi. Bul 2019 jylǵy kórsetkishpen salystyrǵanda sheteldikterge beriletin ruqsattyń úsh ese azaıǵandyǵyn kórsetedi. Komıssııa sheshimimen bólingen kvota sheńberinde bıylǵy 1 qyrkúıekke deıin jumys berýshilerge sheteldik azamattardy jumysqa alý úshin berilgen ruqsattyń sany – 5 255. Onyń ishinde jumysqa 1-shi sanat boıynsha 33, 2-shi sanatqa 732, 3-shi sanat úshin 3698, 4-shi sanatpen 405 sheteldik maman tartylýy kerek. Al, maýsymdyq jumysqa tartý úshin sheteldik jumyskerlerge 381, korporatıvtik aýysym maqsatyn 6 ruqsat berilip otyr», -deıdi Meırambek Aldııarov.
Onyń aıtýyna qaraǵanda, basqarma janyndaǵy komıssııa músheleri bıyl jumysqa ornalasýǵa nıet bildirgen 232 sheteldik azamatqa ruqsat bermegen. Óıtkeni, bul mamandar sheteldik jumys tartýǵa baılanysty talaptarǵa saı kelmegen.
Eske sala ketelik, buǵan deıin Majar ınvestory Atyraýda kúnnen energııa alý jobasyn usynǵanyn jazǵan edik.