Atyraý oblysynda shekteý sharalary kúsheıtildi
Bul týraly oblystyń bas memlekettik sanıtarııalyq dárigeri Mádenıet Tanaýovtyń jańa qaýlysynda aıtylǵan.
«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin» -delingen qujatta.
Jańa qaýlyǵy sáıkes, kópshilik is-sharalardy (merekelik, oıyn-saýyq, kópshilik mádenı, kórmelerdi, korporatıvti, forýmdardy, konferentsııalardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý jáne t. b.), onyń ishinde úıde jáne jappaı adamdar jınalatyn ózge de is-sharalardy ótkizýge tyıym salynyp otyr.
«Ashyq» jobasyna qatysatyn áleýmettik-ekonomıkalyq obektilerdiń qyzmetin qospaǵanda oıyn-saýyq obektileriniń, banket zaldarynyń, jabyq úı-jaıdaǵy, sonyń ishinde qoǵamdyq tamaqtaný obektilerindegi balalar oıyn-saýyq ortalyqtary men attraktsıondardyń, oıyn alańdarynyń (aýladaǵylardy qospaǵanda), túngi klýbtardyń, karaoke, kompıýterlik jáne oıyn klýbtarynyń, kalıan, bılıard, boýlıngterdiń, býkmekerlik keńselerdiń, «Ashyq» jobasyna qatysatyn áleýmettik-ekonomıkalyq obektilerdiń qyzmetin qospaǵanda mádenı obektilerdiń, jeke, toptyq daıyndyqtardy qosa alǵanda kınoteatrlardyń, teatrlardyń, kontsert zaldarynyń, fılarmonııalardyń qyzmetine, «Ashyq» jobasyna qatysatyn áleýmettik-ekonomıkalyq obektilerdiń qyzmetin qospaǵanda kórermenderi bar sporttyq is-sharalardy ótkizýge tyıym salynsyn» -delingen qaýlyda.
Jańa qaýly 24 mamyrda saǵat 00:00-den bastap zańdy kúshine enedi.