Atyraý oblysynda shegirtkege qarsy 7 540 gektar astam alqap óńdeledi
Oblystyq aýyl sharýashylyǵy basqarmasynyń basshysy Qaırat Nurlybaevtyń aıtýynsha, Atyraý óńirindegi jaıylymdyq, shabyndyq alqaptarǵa azııalyq jáne ıtalıandyq shegirtkeler qaýip tóndiredi. Shegirtkeler jyl saıyn Atyraý qalasynyń mańynda, Isataı, Qurmanǵazy, Qyzylqoǵa aýdandarynyń jer alqabynda paıda bolady.
Soǵan baılanysty byltyr shegirtkege qarsy 8 640 gektar alqap óńdelgen. Onyń ishinde 3 820 gektar jerde azııalyq shegirtkege qarsy óńdeý júrgizilgen. Al, ıtalıandyq shegirtkege qarsy óńdelgen alqap 4 820 gektardy quraǵan.
«Bıyl Qurmanǵazy, Isataı aýdandary men Atyraý qalasynyń shetinde shegirtkeniń kóbeıýi kútilip otyr. Osyǵan oraı 7 540 gektar jerge hımııalyq óńdeý júrgizý josparlandy. Qazir memlekettik satyp alý protsedýrasy júrip jatyr» -dedi Qaırat Nurlybaev.