Atyraý oblysynda saılaýshylar belsendiligi baıqalady

ATYRAÝ. QazAqparat – Atyraý oblysynda saılaýshylardyń daýys berý belsendiligi baıqalady, dep habarlaıdy QazAqparat.

Oblystyq saılaý komıssııasynyń tóraǵasy Azamat Aımanakýmovtyń málimetinshe, jergilikti ýaqytpen saǵat 9:00-ge deıin saılaýshylardyń 19,6%-y daýys berip úlgergen.

«Qazir Atyraý qalasy men 6 aýdandaǵy 36 saılaý ýchaskesinde daýys berý ótip jatyr. Máselen, Atyraý qalasynda saılaýshylardyń 15,1%-y, Jylyoı aýdanynda 21,5% Inderde – 22,4%, Isataıda – 24,6%, Qurmanǵazda – 20,3%, Qyzylqoǵada – 25,2%, Mahambet aýdanynda 20,4% daýys berdi» - deıdi Azamat Aımanakýmov.

Eske sala ketelik, budan buryn Atyraý oblysynda 52 úmitker baq synaıtynyn jazǵan edik.