ATYRAÝ. QazAqparat – Atyraý oblysynda Pfizer vaktsınasyn alǵandar sany 6 myńnan asty, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń málimetinshe, koronavırýsqa qarsy atalǵan preparatpen egý 20 qarashada bastaldy.
«Sodan beri atalǵan ekpeni 6 014 adam saldyrdy. Onyń ishinde basym úlesti 12-18 jastaǵy jasóspirimder qurap otyr. Olardyń sany – 3 198. Sondaı-aq, bala emizip otyrǵan 2 531 ana men 284 júkti áıel Pfizer vaktsınasyn ektirdi», - dep habarlady basqarmanyń baspasóz qyzmeti.
Joldasbek Shópeǵul
1993 jyly ál-Farabı atyndaǵy QazMUÝ-diń jýrnalıstıka fakýltetin bitirgen. Eńbek jolyn 1993 jyly respýblıkalyq «Egemen Qazaqstan» gazetinde tilshi bolyp bastaǵan. 2020 jylǵy aqpannan beri «Kazinform» halyqaralyq aqparat agenttiginde Atyraý oblysyndaǵy tilshisi bolyp jumys isteıdi.