Atyraý oblysynda Rfizer vaktsınasyn 776 adam saldyrdy

ATYRAÝ. QazAqparat – Atyraý oblysynda Rfizer vaktsınasyn 776 adam saldyrdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetiniń aqparatyna qaraǵanda, bıylǵy 1 aqpannan beri Covid-19 ınfektsııasyna qarsy vaktsınalardyń I komponentin 251 259 adam alǵan. Al, vaktsınalardyń ІІ komponentin 231 848 adam ektirgen.

«Atyraý oblysynda qaýipti vırýstyń taralýyn tejeýge yqpal etetin vaktsınalardy saldyrý jalǵasyp jatyr. Máselen, 6 jeltoqsanǵa deıin Rfizer saldyrǵan adamdardyń sany 776-ǵa jetti. Onyń ishinde bala emizetin 382 ana men 29 júkti áıel bar. Sondaı-aq, 12-18 jas aralyǵynda 365 jasóspirim ata-anasynyń kelisimimen atalǵan vaktsınany saldyrdy» -dep málim etti basqarmanyń baspasóz qyzmetinen.

Eske sala ketelik, budan buryn Atyraý oblysynda vaktsınanyń ІІ komponentin 230 myńnan astam adam alǵanyn habarlap edik.