Atyraý oblysynda Rfizer vaktsınasyn 1 440 adam saldyrdy
Oblystyq densaýlyq saqtaý basqarmasynyń baspasóz qyzmetinen málim etkendeı, bıylǵy 1 aqpannan beri 254 099 adam Covid-19 ınfektsııasyna qarsy vaktsınalardyń I komponentin ektirgen. Al, vaktsınalardyń II komponentin alǵan adamdardyń sany 234 815-ke jetken.
«Atyraý oblysynda 20 qarashada Rfizer vaktsınasyn saldyrý bastaldy. Sodan beri bul vaktsınany 1 440 adam ektirdi. Onyń ishinde bala emizetin 754 ana men 78 júkti áıel, 608 jasóspirim bar. Atalǵan vaktsınany alatyndardyń tizimine 12 men 18 jas aralyǵyndaǵy
63 138 jasóspirim men bala emizetin jáne júkti 35 362 áıel engizilgen. Vaktsınany alýshylar úshin 32 760 doza jetkizildi», - dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda Rfizer vaktsınasyn 972 adam saldyrǵanyn jazǵan bolatynbyz.