Atyraý oblysynda referendýmda daýys beretin 400 myńǵa jýyq adam tirkeldi
Atyraý oblystyq aýmaqtyq referendým komıssııasynyń málimetine súıensek, óńirde 9 aýmaqtyq, 261 ýchaskelik referendým komıssııasy qurylǵan. Komıssııalar quramynda 1 968 múshe bar.
«Oblysta respýblıkalyq referendýmǵa qatysýǵa quqyǵy bar 396 923 azamat tirkeldi. Olar 261 referendým ýchaskesinde daýys beredi. Al aýrýhanalar, ýaqytsha qamaý oryndary men áskerı bólimshelerde 11 jabyq ýchaske ashyldy. Birkelki nysanda azamattarǵa habarlandyrýlar jasalyp, olardyń mekenjaılaryna taratyldy. Daýys berý orny men ýaqyty týraly aqparattar, azamattardyń óz ýchaskelerin izdeý jónindegi qyzmetter komıssııalardyń atyrau.gov.kz ınternet-paraqshasynda ornalastyryldy», - dep habarlady aýmaqtyq referendým komıssııasynan.
Múmkindigi shekteýli adamdardyń daýys berýine qolaıly jaǵdaı jasaýǵa nazar aýdarylǵan. Máselen, qazir 255 referendým ýchaskesinde pandýs bar. Barlyq ýchaske taktıldik belgiler, kóz janarynda aqaýy bar adamdarǵa aýdıonusqany tyńdaǵannan keıin ózi bıýlletendi toltyrý úshin trafarettermen qamtamasyz etilgen.
«Atyraý qalasy men aýdandar ortalyqtarynda 39 ınvataksı qyzmeti uıymdastyrylady. Áleýmettik qorǵaý organdary arqyly 12 sýrdoaýdarmashyny tartý kózdelip otyr. Vahtalyq ádispen jumys isteıtinderdiń daýys berýin uıymdastyrý úshin sharalar qabyldandy. Bul jumystarǵa 43 ýchaskelik komıssııa tartylady. Vahtalyq ádispen jumys isteıtinder Atyraý qalasynda, Jylyoı, Isataı, Qurmanǵazy, Qyzylqoǵa, Maqat aýdandarynda bar», - dep málim etti aýmaqtyq referendým komıssııasynan.
Eske sala ketelik, budan buryn Atyraý óńirlik shtabynyń jetekshisi Konstıtýtsııaǵa engiziletin ózgeris saıası reformalardy jedeldetetini týraly aıtqanyn habarlaǵan edik.