Atyraý oblysynda polıtsııa ınspektory jol apatyna sebepker boldy
Jol apaty 17 qarashada Jylyoı aýdanynyń ortalyǵy – Qulsary qalasynda bolǵan.
Bul derekti oblystyq polıtsııa departamentiniń baspasóz qyzmeti rastady.
«Qulsary qalasyndaǵy «Keń Jylyoı» shaǵyn aýdanynda jergilikti ýaqytpen saǵat 15:30 shamasynda «Lada–21214» markaly qyzmettik kólikti basqarǵan ıývenaldy polıtsııa tobynyń ınspektory basty jolda kele jatqan «Toyota Alphard» kóligine jol bermegen. Sonyń saldarynan jol-kólik oqıǵasyna sebepker boldy. Sot-medıtsınalyq saraptamanyń qorytyndysyna sáıkes, eki kóliktiń júrgizýshisi mas kúıde bolmaǵany jáne dene jaraqattaryn almaǵany anyqtaldy» -dep málim etti departamenttiń baspasóz qyzmetinen.
Qazir jol-qaýipsizdik erejesi talaptaryn oryndamaǵan polıtsııa qyzmetkerine qatysty QR Ákimshilik quqyqbuzýshylyq týraly kodesiniń 610-babymen hattama toltyrylǵan. Atalǵan derekke baılanysty oblystyq polıtsııa departamentiniń ózindik qaýipsizdik basqarmasy qyzmettik tergeý júrgizip jatyr.
Eske sala ketelik, budan burny Atyraýda polıtsııa kóligi órtenip ketkenin jazǵan edik.