Atyraý oblysynda Pfizer vaktsınasynyń 115 myń dozasy bar

ATYRAÝ. QazAqparat – Atyraý oblysynda Pfizer vaktsınasynyń 115 myń dozasy bar, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, 24 naýryzda 1 adam qaýipti vırýsqa shaldyqqan. Al sońǵy 4 kúnde koronavırýs ınfektsııasyn juqtyrý deregi tirkelmegen.

Ótken táýlikte koronavırýs ınfektsııasynan 15 adam saýyǵyp shyqty.

«Atyraý oblysynda Pfizer vaktsınasynyń 115 myń dozasy bar. Búginge deıin bul vaktsınanyń І komponentin 7 704 adam ektirdi. Onyń ishinde 12-18 jastaǵy 4 127 jasóspirim, bala emizip otyrǵan 3 174 ana men 378 júkti áıel bar. Erekshe qajettiligi bar 14 adam men 11 turǵyn da atalǵan vaktsınany saldyrdy. Revaktsınalaýdan ótý úshin 3 510 atyraýlyq Pfizer ekpesin aldy», - dep habarlady basqarmanyń baspasóz qyzmeti.