Atyraý oblysynda Pfizer vaktsınasyn 76 myń adam alady
Oblystyq densaýlyq saqtaý basqarmasynyń baspasóz qyzmetinen málim etkendeı, qarashanyń sońyna deıin Pfizer vaktsınasynyń eki komponentine arnalǵan 153 270 dozany jetkizý kózdelgen.
«Atyraý oblysynda 12 men 18 jas aralyǵyndaǵy balalar sany 63 138 adamdy quraıdy. Al, bala emizetin jáne júkti áıelder sany – 35 362. Onyń ishinde 70 paıyzynda, 76 myń adamda koronavırýs ınfektsııasyna qarsy ekpe alýǵa qarsy kórsetilim joq. Balalardy, júkti áıelder men bala emizetin analardy indetten qorǵaý úshin Pfizer vaktsınasynyń І jáne ІІ komponentti úshin 153 270 dozasy jetkiziledi. Qazir Pfizer vaktsınasyn saqtaý úshin 2 muzdatqysh ákelindi. Vaktsınanyń 17 550 dozasyn 12 qarashaǵa deıin jetkizý josparlanyp otyr», - dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysyna QazVac vaktsınasynyń 5 myń dozasy jetkizilgenin habarlaǵan bolatynbyz.