Atyraý oblysynda Pfizer vaktsınasyn 5 516 adam saldyrdy
Oblystyq densaýlyq saqtaý basqarmasy baspasóz qyzmetiniń málimetinshe, qazir óńirde 69 egý beketi jumys isteıdi. Onyń ishinde 10 jyljymaly beket bar.
«Atyraý oblysynyń dárigerleri koronavırýs ınfektsııasyna qarsy vaktsına alýdyń mańyzy týraly aqparattyq túsindirý jumysyn júrgizip keledi. Bul is-shara óńir turǵyndarynyń vaktsınaǵa baılanysty kózqarasyn túbegeıli ózgertip, yntasyn oıatty. Byltyrǵy 1 aqpannan beri COVID-19 ınfektsııasyna qarsy vaktsınalardyń I komponentin ektirgen adamdardyń sany 265 348-ge jetti. Vaktsınalardyń II komponentin 248 247 adam aldy. Al, Rfizer ekpesin 5 516 adam saldyrdy. Bul vaktsınany alǵandar arasynda basym úlesti 12-18 jas aralyǵyndaǵy jasóspirimder qurap otyr. Olardyń sany – 2 866 adam. Bala emizip otyrǵan 2 390 ana men 260 júkti áıel atalǵan vaktsınany ektirdi», -dep málim etti basqarmanyń baspasóz qyzmetinen.
Sondaı-aq, 8 sanatqa kiretin 26 465 adam qaıta vaktsınalaýdan ótken.
Eske sala ketelik, budan buryn Atyraý oblysynda 265 myń adam koronavırýsqa qarsy vaktsına alǵanyn jazǵan bolatynbyz.