Atyraý oblysynda Pfizer vaktsınasyn 3 626 adam saldyrdy
Oblystyq densaýlyq saqtaý basqarmasy basshysynyń orybasary Qaısar Abdalıevtyń aıtýynsha, óńirge Pfizer vaktsınasynyń eki komponentine arnalǵan 126 myń 520 dozasy jetkizilgen.
«Qazir Atyraý oblysynda Rfizer vaktsınasyn alatyn 12 men 18 jas aralyǵyndaǵy balalar sany 63 138 adamdy quraıdy. Al, bala emizetin jáne júkti áıelder sany – 35 362. Vaktsına salý byltyrǵy 20 qarashada bastaldy. Sodan beri Pfizer vaktsınasyn 3626 adam saldyrdy. Onyń ishinde bala emizip otyrǵan 1 789 ana men 191 júkti áıel bar. Sondaı-aq, 12-18 jas aralyǵyndaǵy 1 646 jasóspirim vaktsına ektirdi», -dep habarlady oblystyq densaýlyq saqtaý basqarmasynyń baspasóz qyzmeti.
Eske sala ketelik, buǵan deıin Atyraý oblysyndaǵy Teńiz ken ornynda 456 adam koronavırýspen aýyryp jatqanyn jazǵan bolatynbyz.