Atyraý oblysynda para alyp kelgen basqarma basshysy tergelýde
13:07, 16 Qyrkúıek 2019
NUR-SULTAN. QazAqparat – Atyraý oblysynyń Isataı aýdanynda taýarlar men qyzmetterdiń sapasyna jaýapty basqarmanyń basshysy udaıy para alyp kelgeni anyqtaldy, dep habarlaıdy QazAqparat tilshisi.
«Atyraý oblystyq Sybaılas jemqorlyqqa qarsy is-qımyl qyzmeti «Atyraý oblystyq taýarlar men qyzmetterdiń sapasyn jáne qaýipsizdigin baqylaý departamenti Isataı aýdandyq basqarasy» RMM basshysyna qatysty sotqa deıingi tergeý amaldaryn bastady», - delingen QR Sybaılas jemqorlyqqa qarsy is-qımyl agenttigi taratqan aqparatta.
Vedomstvo málimetinshe, basqarma basshysy qoǵamdyq tamaqtaný salasyndaǵy jalpy qamqorlyǵy úshin kásipkerlik sýbektilerinen 50 myńnan 80 myń teńgege deıin somada únemi para alyp kelgen dep aıyptalýda.
«Tergeý amaldary jalǵasyp jatyr. Kúdiktige qatysty sońǵy sheshimdi onyń kinásiniń deńgeıin anyqtaý arqyly sot qabyldaıtyn bolady», - dep atap ótedi agenttikten.