Atyraý oblysynda ótken táýlikte koronavırýsqa shaldyqqandar tirkelgen joq

ATYRAÝ. QazAqparat – Atyraý oblysynda ótken táýlik – 21 aqpanda koronavırýs ınfektsııasyna shaldyqqan naýqastar tirkelgen joq, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte qaýipti vırýstan 92 adam emdelip shyqqan.

«Atyraý oblysy «jasyl» aımaqta tur. Qazir koronavırýs ınfektsııasyn juqtyrǵan 417 adam úı jaǵdaıynda emdelip jatyr. Al, ınfektsııalyq statsıonarlarda 66 naýqas em qabyldaý úshin oqshaýlanǵan. Onyń ishinde modýldik aýrýhanada – 47, aýdandardaǵy ınfektsııalyq statsıonarlarda – 15, al, №2 oblystyq aýrýhanada 4 patsıent bar. Jylyoı aýdanyndaǵy Teńiz ken ornynda ashylǵan ınfektsııalyq statsıonarda emdelýge jatqyzylǵan birde-bir naýqas joq», -dep málim etti basqarmanyń baspasóz qyzmeti.

Eske sala ketelik, buǵan deıin Atyraý oblysynda koronavırýs ınfektsııasynan bir adam qaıtys bolǵanyn jazǵan edik.