Atyraý oblysynda órt shyqqan páterden áıel qutqaryldy

ATYRAÝ. QazAqparat - 13 shilde kúni saǵat 13:32-de Atyraý qalasynyń Mahambet Ótemisuly kóshesinde ornalasqan bes qabatty úılerdiń birinen tútin shyqqany týraly habarlama tústi, dep jazdy QazAqparat.

Oqıǵa ornyna sanaýly mınýtta jetken órt sóndirýshiler besinshi qabattaǵy páterlerdiń birindegi ashana bólmesinde turmystyq zattar janyp jatqanyn anyqtady. Órt sóndirýshiler avtosatynyń kómegimen besinshi qabattyń balkonynan 1952 jyly týǵan páter ıesin qutqardy.

«Apattar medıtsınasy ortalyǵy qyzmetkerleri qutqarylǵan páter ıesine alǵashqy medıtsınalyq kómek kórsetti.

Órt saldarynan jalpy aýdany 62 sharshy metrdi quraıtyn páterdiń 9 sharshy metr ashana bólmesindegi turmystyq zattar janǵan. Órt sóndirýshilerdiń jedel is-áreketiniń nátıjesinde sanaýly mınýttarda órt sóndirilip, órttiń basqa bólmeler men páterlerge taralýyna jol berilmedi», - dep málimdedi TJD.

Órttiń shyǵý sebepteri anyqtalýda, zardap shekkender joq.

Órtti sóndirýge Atyraý oblysy TJD 6 qyzmetker men 2 tehnıka jumyldyryldy.