Atyraý oblysynda onlaın sanaqtan ótkender sany 220 myń adamnan asty

ATYRAÝ. QazAqparat – Atyraý oblysynda onlaın-sanaqtan ótkender sany 220 myń adamnan asty. Bul oblys turǵyndarynyń 33,24 paıyzyn qurap otyr, dep habarlaıdy QazAqparat.

Ulttyq statıstıka bıýrosy Atyraý oblystyq departamentiniń basshysy Galıa Muhanǵalıevanyń aıtýynsha, halyq sanaǵyn júrgizý úshin Atyraý qalasy men aýdandarda 90-nan astam arnaıy burysh ashylǵan.

«Atyraý oblysynda onlaın rejıminde halyq sanaǵynan 220 738 adam ótti. Bul – oblys turǵyndarynyń 33,24 paıyzy. Onyń ishinde 195 186 adam sanaq.gov.kz saıty, 21 552-si egov.kz portaly, al 4 myńy Aitu mobıldi qosymshasy arqyly sanaq paraqtaryn toltyrdy. Onlaın-sanaqtan ótkenderdiń basym bóligi Atyraý qalasynda (95 845 adam)

tirkelip otyr. Qurmanǵazy aýdanynda 23 384, Jylyoıda 22 083 adam sanaqqa qatysty», -

deıdi Galıa Muhanǵalıeva.

Eske sala ketelik, budan buryn Atyraý oblysynda 145 myńnan astam adam onlaın sanaqtan ótkenin jazǵan bolatynbyz.