Atyraý oblysynda «Nurly jer» boıynsha 80 gektarǵa birtektes úıler salynady

ASTANA. QazAqparat - Atyraý oblysynda «Nurly jer» baǵdarlamasy boıynsha 480 gektar jer daıyn tur. Bul týraly atalǵan óńirdiń ákimi Nurlan Noǵaev málim etti, dep habarlaıdy QazAqparat.

«Qazirgi tańda «Nurly jer» baǵdarlamasy aıasynda 497 myń sharshy metr turǵyn úı paıdalanýǵa berildi. Bul ótken jyldyń sáıkes kezeńimen salystyrǵanda 38 paıyzǵa artyq. Jalpy, qurylys jumystarynyń kólemi 395 mlrd teńgeni qurady»,-dedi oblys ákimi Úkimet úıinde ótken baspasóz máslıhatynda.

Ákimdik málimetinshe, «Nurly jer» baǵdarlamasyn júzege asyrý aıasynda halyqtyń áleýmettik álsiz tobyna jalpy aýdany 135,6 myń sharshy metr 675 páterlik 13 úı paıdalanýǵa berildi. Sonymen qatar aýdany 92,3 myń sharshy metr bolatyn 1 332 páterli 24 nesıelik turǵyn úıdiń qurylysy júrip jatyr.

«Baǵdarlamada qarastyrylǵan barlyq baǵyttar boıynsha jumystar atqarylýda. Búginde ınfraqurylymy tartylǵan 480 gektar daıyn tur jáne 80 gektarda birtektes úıler salý sheshimi qabyldandy»,-dedi Nurlan Noǵaev.