Atyraý oblysynda negizgi kapıtalǵa salynǵan ınvestıtsııa 2,4 trln teńgeni qurady

ATYRAÝ. QazAqparat - 2017 jyly Atyraý oblysynda negizgi kapıtalǵa 2 trln 456,5 mlrd teńge ınvestıtsııalanǵan, dep habarlaıdy «QazAqparat» HAA tilshisi.

«2017 jyly óńirdiń negizgi kapıtalyna salynǵan ınvestıtsııa kólemi 2 456,5 mlrd teńgeni nemese 2016 jylǵy kórsetkishke shaqqanda 115,1% qurady. Respýblıkanyń jalpy kólemindegi oblystyń úlesi - 28,2%. Bul oblystaǵy áleýetti ınvestorlarmen júrgizilgen jumystyń nátıjesi. Óńirdiń ekonomıkasyna otandyq jáne sheteldik ınvestıtsııalardy tartý maqsatynda jyl saıyn oblysta ATYRAU INVEST halyqaralyq ınvestıtsııalyq forýmy uıymdastyrylady», - dep habarlady oblys ákimdiginiń baspasóz qyzmetinen.

Aıta keteıik, 2017 jyly forýmǵa Túrkııa, Italııa, Ázerbaıjan, Germanııa, Fınlıandııa, Ózbekstan, Oman, Belarýs, Belgııa, Polsha, RF men basqa da elderdiń ókilderi qatysty.

Baspasóz qyzmetinen málim etkendeı, 2017 jyly ekijaqty yntymaqtastyqty damytý jáne ınvestıtsııalyq múmkindikterdi zertteý maqsatynda Japonııa, Túrkııa, Italııa, Koreıa, Avstrııa, Chehııa, Reseı jáne basqa da elderdiń delegatsııalary oblysta resmı saparmen boldy.