Atyraý oblysynda nan qymbattamaıtyn boldy

ATYRAÝ. QazAqparat - Atyraýda áleýmettik nannyń bólshek saýda baǵasy óz qalpynda qalady. Baǵa tek negizgi taǵamdardyń kóterme baǵasy úshin qymbattaıdy, dep habarlaıdy QazAqparat qalalyq ákimdiktiń baspasóz qyzmetine silteme jasap.

Bul týraly qalalyq kásipkerlik bóliminiń basshysy Rýslan Davletov málimdedi. Onyń aıtýynsha, eger nannyń kóterme baǵasy qazir 55 teńge bolsa, onda ol keıin 60 teńgege deıin kóteriledi.

«Nannyń bólshek baǵasy bir deńgeıde qalady jáne 65 teńge bolady. Biz barlyq iri saýda ortalyqtarynyń basshylarymen kezdestik jáne dúkenderdegi nan quny 65 teńgeden joǵary bolmaýy kerek degen kelisimge keldik», - deıdi Rýslan Davletov.

Búgingi kúni Atyraýda 14 naýbaıhana «áleýmettik» nan pisirýmen aınalysady. Aıta ketý kerek, Atyraý qalasynda 338 139 adam turady, bir aıda nan tutyný deńgeıi - 788 991 kg.

«Jalpy tutynýdyń 25%-y «Dáýlet nan» óndiristik keshenine tıesili, munda táýligine 8 myń nan pisiriledi», - dep naqtylady Rýslan Davletov.

Eske sala ketsek, Atyraý oblysynda birinshi suryptaǵy unnyń bir kılogramy 115 teńgege deıin kóterildi.