Atyraý oblysynda meshitterde juma namazyn oqýǵa shekteý qoıyldy

ATYRAÝ. QazAqparat – Atyraý oblysynda meshitterde juma namazyn oqýǵa shekteý qoıyldy. Meshitter senbi, jeksenbide jabyq bolady, dep habarlaıdy QazAqparat.

Atyraý oblysynyń bas ımamy Altynbek Utyshanulynyń málimetinshe, «qyzyl» aımaqqa enýine baılanysty meshitterde ujymdyq namazdardy oqýǵa ýaqytsha shekteý

qoıylǵan.

«Bul shara óńirdegi epıdemıologııalyq ahýaldyń nasharlaýyna baılanysty qolǵa alynyp otyr. Atyraý oblysynyń bas memlekettik sanıtarııalyq dárigeriniń qaýlysyna sáıkes, jumys kúnderi meshitterde bes ýaqyt namazdy jeke oqýǵa ruqsat etiledi. Biraq, juma namazdary oqylmaıdy. Senbi, jeksenbi kúnderi meshitter jabyq bolady», - deıdi Altynbek Utyshanuly.

Eske sala ketelik, buǵan deıin Atyraýda statsıonarlardyń jansaqtaý bóliminde jatqan 84

naýqastyń jaǵdaıy aýyr ekenin habarlaǵan edik.