Atyraý oblysynda memqyzmetshilerdiń ádeptilik deńgeıi baǵalandy
Oblys ákimdiginde Ádep jónindegi keńes músheleri men ýákilderiniń jáne tártiptik komıssııa tóraǵalarynyń qatysýymen jıyn ótti. Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qyzmet salasyndaǵy baqylaý departamentiniń bastyǵy Ravıl Tólebaev óńirdegi Ádep jónindegi ýákilderiniń jumysynyń deńgeıi men sapasyna oń baǵa berdi.
Sonymen qatar, jıynda qaralǵan máseleleniń biri - qoǵamdyq uıymdardyń ókilderin tartý arqyly ádep jónindegi keńes quramyn keńeıtý qajettigi aıtyldy. Bul óz kezeginde memlekettik organ basshylarynyń ádep normalary talaptaryn buzǵany úshin jaýapkershilik máselesi qoǵamǵa ashyq túrde jarııalanatynyn bildiredi.
Kezdesý barysynda memlekettik qyzmetshilerdiń etıkasyn jaqsartý boıynsha keshendi jospardy iske asyrý jónindegi is-sharalar, sondaı-aq Ádep keńesiniń músheleriniń qoǵamdyq qyzmetteri tanystyryldy.
Jıynnan keıin Ravıl Tólebaev memlekettik qyzmetshilermen kezdesý ótkizdi. Agenttiktiń ókili Memleket basshysynyń sybaılas jemqorlyqqa qarsy saıasatynyń júzege asyrylýy jáne memlekettik qyzmet salasyndaǵy jańalyqtar týraly aıtty. Qorytyndysynda, kezdesý sońynda barlyq memlekettik qyzmetshilerge Ádep kodeksiniń shaǵyn kitapshalary tabystaldy.
«Jumysta kúndelikti kezdesetin jaǵdaılar men ádeptilik týraly «pocketbook» qalta kitapshasy jobasynyń kómegimen barlyq memlekettik qyzmetshilerge ózderiniń is-áreketterin basshylyqqa alýǵa keńes beremiz», - dedi R.Tólebaev.
Abaı Abyaıuly