Atyraý oblysynda máslıhattardyń 119 depýtaty úsh kandıdatqa daýys berdi
Atyraý oblystyq aýmaqtyq saılaý komıssııasynyń málimetinshe, Senat saılaýynda ár deńgeıdegi málıhattardyń 132 depýtaty daýys berýi tıis edi.
Búgin, 14 qańtarda munaıly shahardaǵy Qurmanǵazy atyndaǵy mádenıet úıinde ótken saılaýda Atyraý qalalyq jáne jeti aýdandyq máslıhattyń 119 depýtaty daýys berýshi retinde tirkeldi. Al, 13 depýtat belgili sebeptermen saılaýǵa qatysa almady.
Sondaı-aq, baıqaýshy retinde 16 adam tirkelgen. Olar – saıası partııalar men qoǵamdyq birlestikterdiń, kandıdattardyń senimdi ókilderi. BAQ ókilderi de bar.
Atyraý oblysynan Senat depýtatynyń saılaýyna qatysý úshin 6 adam ózin-ózi usynǵan. Onyń arasynda 1 áıel, 5 er adam bolǵan.
Keıin bir adam sottylyǵy joıylmaǵany, ne alynyp tastalmaǵanyna baılanysty tirkelgen joq. Al, keıin eki kandıdatty tirkeýdiń kúshi https://kaz.inform.kz/news/atyrau-oblysynda-senat-deputattygyna-2-kandidatty-tirkeudin-kushi-zhoyyldy_a4016771 joıyldy.
«Senat saılaýynda 3 kandıdat tirkeldi. Kandıdattardyń ishinde 1 áıel, 2 er adam bar. Kandıdattardyń 2-eýi – memlekettik kásiporyn men mekemeniń, al, 1-eýi – máslıhat apparatynyń qyzmetkeri. Olar zańger, aýyl sharýashylyǵy jáne bilim salasynyń qyzmetkeri mamandyǵyn alǵan. Olardyń ortashy jasy – 57-de», -dep málim etti oblystyq aýmaqtyq saılaý komıssııasynan.
Eske sala ketelik, buǵan deıin Atyraý oblysynda 3 kandıdat Senat saılaýyna túsetinin jazǵan edik.
Keıin Atyraý oblysynda Senat depýtatyn saılaýǵa úsh kandıdat qatysyp jatqanyn habarlaǵan bolatynbyz.