Atyraý oblysynda koronavırýs juqtyrǵandar tirkelgen joq
Atyraý oblysynda koroanvırýs ınfektsııasynyń taralý kórsetkishi tómendep keledi.
Máselen, 27 aqpanda qaýipti vırýsqa shaldyqqan naýqastar anyqtalmady.
Ótken táýlikte COVID-19 ınfektsııasyna 28 adam emdelip shyqty.
«Qazir 273 adam úı jaǵdaıynda emdelip jatyr. Al, 2 360 orynǵa arnalǵan ınfektsııalyq
statsıonarlarda 31 naýqas em qabyldaý úshin oqshaýlanǵan. Onyń ishinde modýldik aýrýhanada – 27, aýdandardaǵy ınfektsııalyq statsıonarlarda 4 patsıent bar», - dep habarlady oblystyq densaýlyq saqtaý basqarmasynyń baspasóz qyzmeti.
Óńirdegi ınfektsııalyq statsıonarlardaǵy júkteme 1,3%-dy qurap otyr.
Statsıonarlardyń 106 tósek-oryndyq jansaqtaý bóliminde jaǵdaıy nasharlaǵan 2 patsıent emdelýge jatqyzylǵan. Ókpeni jasandy jeldetý apparatyna birde-bir naýqas qosylmaǵan. Bul bólimdegi júkteme – 1,9%.
Teńiz kenishindegi, №2 oblystyq aýrýhana men ftızıopýlmonologııalyq ortalyqtyń ınfektsııalyq statsıonarynda koronavırýsten emdelip jatqan naýqastar joq.
Eske sala ketelik, budan buryn Atyraý oblysynda koronavırýs juqtyrǵan eki adam qaıtys bolǵanyn habarlaǵan edik.