Atyraý oblysynda koronavırýs juqtyrǵandar sany kúrt tómendedi

ATYRAÝ. QazAqparat – Atyraý oblysynda koronavırýs ınfektsııasyn juqtyrǵandarsany kúrt tómendedi, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken

táýlik – 29 qarashada qaýipti vırýsqa 4 adam shaldyqqan. Onyń ishinde Atyraý qalasynda –2, Jylyoı aýdanynda ornalasqan Teńiz ken ornynda – 1, Qyzylqoǵa aýdanynda 1 naýqas anyqtalyp otyr.

«Qazir 108 adam úı jaǵdaıynda, 580 orynǵa arnalǵan ınfektsııalyq statsıonarlarda 111

adam emdelip jatyr. Mundaǵy júkteme 19,1%-dy quraıdy. Óńirdegi modýldik

aýrýhanada – 69, aýdandardaǵy ınfektsııalyq statsıonarlarda – 21, Teńiz ken ornyndaǵy ınfektsııalyq statsıonarda 21 naýqas oqshaýlanǵan», - dep málim etti basqarmanyń baspasóz qyzmetinen.

Sondaı-aq, 58 tósek-orny bar jansaqtaý bólimshelerinde jaǵdaıy aýyr 11 patsıent em-dom qabyldap jatyr. Bul bólimdegi júkteme –18,9%. Ókpeni jasandy jeldetý

apparatyna birde-bir naýqas qosylmaǵan.

Ótken táýlikte koronavırýs ınfektsııasynan 1 adam qaıtys bolǵan.

Eske sala ketelik, buǵan deıin «jasyl» aımaqtaǵy Atyraý oblysynda vırýs juqtyrǵan 20 naýqastyń jaǵdaıy aýyr ekenin habarlaǵan bolatynbyz.