Atyraý oblysynda koronavırýs juqtyrǵan 6,5 myń adam oqshaýlandy

ATYRAÝ. QazAqparat – Atyraý oblysynda koronavırýs ınfektsııasyn juqtyrǵan 6 572 naýqas oqshaýlandy. Onyń ishinde ınfektsııalyq statsıonarlarda 1 588, al, úı jaǵdaıynda 4 984 patsıent emdelip jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmeti taratqan málimetke qaraǵanda, 2 tamyzda 406 adam koronavırýs ınfektsııasyn juqtyrǵan.

Onyń ishinde Atyraý qalasynda 256 naýqas tirkelgen. Jylyoı aýdanyndaǵy Teńiz ken ornynda 64 naýqas anyqtalǵan.

Qaýipti vırýstyń taralýy óńirdiń 7 aýdanynda da baıqalyp otyr. Máselen, Jylyoı aýdanynda 34, Inderde – 11, Qyzylqoǵada – 11, Isataıda – 10, Qurmanǵazyda – 10, Mahambette – 7, Maqat aýdanynda 3 adam koronavırýs ınfektsııasyna shaldyqqan.

Ótken táýlikte 246 adam saýyǵyp shyqqan.

«Qazir 4 984 adam úı jaǵdaıynda em-dom qabyldap jatyr. Aýdandardaǵy ınfektsııalyq statsıonarlarda – 412, Teńiz ken ornyndaǵy statsıonarda – 344, modýldik aýrýhanada – 201, №2 oblystyq aýrýhanada – 199, temirjol aýrýhanasynda – 111, kardıologııalyq ortalyqta – 102, ftızıopýlmanologııa ortalyǵynda – 86, oblystyq aýrýhanada 45 naýqas emdelýde. Al, ınfektsııalyq statsıonar úshin daıyndalǵan jataqhanalarda 88 patsıent oqshaýlandy» -dep habarlady basqarmanyń baspasóz qyzmeti.