Atyraý oblysynda kólik aýdarylyp, mańǵystaýlyq jolaýshy mert boldy
Atyraý oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy 3 naýryz kúni bolǵan.
«Jergilikti ýaqytpen saǵat 16:30 shamasynda «Beıneý-Qulsary-Dossor» tas jolynyń boıynda «Toyota Land Cruiser» kóligi aýdaryldy. Jol apatyna júrgizýshiniń rýldi ıgere almaǵany sebep bolǵan. Kólik rýlinde otyrǵan 59 jastaǵy júrgizýshi uıyqtap qalyp, saldarynan joldyń soq jaq bóligine aýdarylǵan. Aqtaý qalasynan jolǵa shyǵyp, Atyraý qalasyna jetpek bolǵan 1964 jyly týǵan jolaýshy oqıǵa ornynda qaza tapty», - dep habarlady departamenttiń baspasóz qyzmeti.
Qazir polıtsııa qyzmetkerleri jol-kólik oqıǵasyna qatysty sotqa deıingi tergeý amaldaryn júrgizip jatyr.
«Kólik rýline sharshaǵan kúıde otyryp, alys saparǵa shyqpaǵan jón. Jolda júrý qaýipsizdigin saqtaý – adam ómiriniń kepili», - dep eskertti departamenttiń baspasóz qyzmetinen
Eske sala ketelik, buǵan deıin Atyraý oblysynda jol apatynan 4 adam mert bolyp, 3 jolaýshy aýrýhanaǵa jetkizilgenin habarlaǵan bolatynbyz. Jol-kólik oqıǵasy «Aqtóbe-Atyraý-Reseı Federatsııasynyń shekarasy» (Astrahan) baǵytyndaǵy tasjoldyń 492-shaqyrymynda tirkelgen. «Toyota Ipsum» avtokóliginiń júrgizýshisi basqarý júıesin ıgere almaı, joldyń qarsy baǵytyna shyqqan. Sonyń saldarynan aýyr júk kóligimen soqtyǵysqan. Jol apatynan kóliktegi 4 adam qaza taýyp, 3 jolaýshy ártúrli dene jaraqatymen Maqat aýdandyq aýrýhanasyna jetkizilgen.