Atyraý oblysynda kólik aýdarylyp, eki adam qaza tapty

ATYRAÝ. QazAqparat - Atyraý oblysynda jol-kólik oqıǵasy saldarynan eki adam qaza tapty, taǵy 4 adam jaraqat aldy, dep habarlaıdy QazAqparat polıtsııaǵa silteme jasap.

5 mamyr kúni saǵat 20:10 shamasynda respýblıkalyq mańyzy bar Dossor-Qulsary-Beıneý tasjolynyń 64 shaqyrym tusynda jol apaty bolǵany jóninde habar tústi.

Toyota avtokóliginiń 1988 jyly týǵan júrgizýshisi kólik quralyn ıgere almaı, jol jıegine aýdarylǵan.

Oqıǵa saldarynan 4 adam aýdandyq aýrýhanaǵa jetkizilip, kólik júrgizýshisi men 1962 jyly týǵan jolaýshy oqıǵa ornynda qaza tapty.

Atalǵan derek boıynsha qazirgi tańda tergeý amaldary júrgizilip jatyr.