Atyraý oblysynda kıikti zańsyz atqandarǵa 12 qylmystyq is qozǵalǵan

ATYRAÝ. QazAqparat – Atyraý oblysynda jyl basynan beri kıikti zańsyz atqandarǵa12 qylmystyq is qozǵalǵan, dep habarlaıdy QazAqparat.

Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń

aıtýynsha, keń aýqymdy «Kıik» sharasy ótip jatyr.

«Aqtsııanyń maqsaty – joıylyp bara jatqan kıikterdi atýdyń jolyn kesý, onyń

ónimderin zańsyz daıyndaý, satý, satyp alý jáne elimizden tys jerge shyǵarýmen aınalysatyn adamdardy anyqtaý. Osyǵan baılanysty polıtsııa qyzmetkerleri jyl basynan beri 42 quqyq buzýshylyqty anyqtady. Onyń ishinde QR Ákimshilik

quqyqbuzýshylyq týraly týraly kodeksiniń 382-babymen (Ań aýlaý qaǵıdalaryn buzý) 35

hattama toltyryldy. Quqyq buzýshylardan tirkelmegen tegis uńǵyly ańshylyq qarýlary

men kıiktiń 500-den astam múıizi tárkilendi. QR Qylmystyq kodeksiniń 339-babymen

(Ósimdikterdiń nemese janýarlardyń sırek kezdesetin jáne quryp ketý qaýpi tóngen,

sondaı-aq paıdalanýǵa tıym salynǵan túrlerimen, olardyń bólikterimen nemese derıvattarymen zańsyz aınalysý) 12 qylmystyq is qozǵalyp, onyń 7-eýi sotqa joldandy», - deıdi Qamza Úmbetqalıev.

Eske sala ketelik, buǵan deıin Atyraýda brakonerlerdiń tabıǵatqa 1,5 mlrd teńge shyǵyn keltirgenin habarlaǵan edik.