Atyraý oblysynda kásipker negizsiz tólegen 82 mln teńgesin qaıtaryp aldy

ATYRAÝ. Kún saıyn kólik prokýratýrasy organdarynyń mobıldik toptary kásipkerlerdiń ótinishin qaraıdy, dep habarlaıdy QazAqparat.

Atyraý kólik prokýratýrasy osyndaı habarlamalardyń birin qaraǵan kezde kásipkerdiń artyq tólengen kedendik jáne salyq somasyn qaıtarý týraly ótinishterin qanaǵattandyrýdan negizsiz bas tartý faktisin anyqtaǵan. Osylaısha, kásipker birneshe aı boıy fıskaldy organnan, eki jyl buryn kúshin joıǵan normatıvtik quqyqtyq aktige silteme jasalǵan, qanaǵattandyrýdan bas tartylǵan jaýap alǵan.

Prokýratýranyń aralasýynan keıin ǵana memlekettik organ óz áreketiniń zańsyzdyǵyn moıyndaǵan jáne tarıftik mólsherlemeniń tómendeýin eskertip buryn tólengen somany qaıtarǵan.

Nátıjesinde, kásipkerdiń shotyna 82 mln teńge tústi. Al kináli laýazymdy tulǵa «qyzmetine tolyq sáıkes emestigi týraly eskertý» túrindegi tártiptik jazaǵa tartyldy.