Atyraý oblysynda karantın shekteý sharalary kúsheıtiledi
Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan.
«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq nemese ózge de qyzmetterge jáne halyqtyń tynys-tirshiligine aıryqsha talaptarmen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýs ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin», - delingen qujatta.
Qaýlyǵa sáıkes, kópshilik is-sharalardy (merekelik, oıyn-saýyq, kópshilik mádenı, sport, bilim berý is-sharalary, kórme, korporatıv, forým, konferentsııa, sondaı-aq otbasylyq, estelik is-sharalary (banket, úılený toıy, mereıtoı, eske alý jáne t. b.), onyń ishinde úıde jáne jappaı adamdar jınalatyn ózge de is-sharalardy ótkizýge, barlyq oıyn-saýyq obektileriniń, banket zaldarynyń, jabyq orynjaıdaǵy balalar oıyn alandary men attraktsıondardyń (aýladaǵyny qospaǵanda), batýttardyń, túngi klýb, karaoke, kompıýter jáne oıyn klýbtarynyń, qorqor, bılıard, boýlıngterdiń, býkmekerlik keńselerdiń, merekelerdi uıymdastyrý boıynsha qyzmet kórsetýdiń, menshik nysanyna qaramastan mektepke deıingi balalar mekemeleriniń (kezekshi toptardy qospaǵanda), mádenı nysandardyń, jeke, toptyq daıyndyqtardy qosa alǵanda kınoteatrlardyń, teatrlardyń, kontsert zaldarynyń qyzmetine tyıym salynyp otyr.
Jańa 2021 jylǵy 29 naýryzdan saǵat 00:00-den bastap zańdy kúshine enedi.
Eske sala ketelik, budan buryn Atyraýda 82 adam koronavırýs juqtyryp, 81 naýqas saýyǵyp shyqqanyn habarlaǵan edik.