Atyraý oblysynda iri munaı óńdeý mekemelerinen 20 tonnaǵa jýyq prekýrsorlar tárkilendi
Esirtki quraldarynyń, psıhotroptyq zattar men prekýrsorlardyń zańdy aınalymy salasyndaǵy quqyqbuzýshylyqtardy anyqtaý, sondaı-aq baqylaýdaǵy zattardyń zańsyz saýdasy faktileriniń jolyn kesý maqsatynda respýblıka kóleminde «Dármek» jedel-profılaktıkalyq is-sharasy ótkizilip jatyr.
Іs-shara kezinde esirtki, psıhotroptyq zattar men prekýrsorlardyń, sondaı-aq qyzmeti lıtsenzııalaýǵa jatatyn emdeý-profılaktıkalyq dárihanalyq, veterınarııalyq, oqý jáne ǵylymı-zertteý uıymdarynyń zańdy aınalymy salasyndaǵy kásipkerlik sýbektileriniń qyzmetine tekserý jumystary júrgiziledi.
Atyraý oblysy PD esirtki qylmysyna qarsy is-qımyl basqarmasy qyzmetkeleri is-shara barysynda Atyraý qalasyndaǵy iri munaı óńdeý mekemeleriniń laboratorııalaryna tekserý jumystaryn júrgizdi. Nátıjesinde QR ÁQBtK-niń 464-baby boıynsha (Qazaqstan Respýblıkasynyń zańnamasynda belgilengen lıtsenzııalaý normalaryn buzý, onyń ishinde lıtsenzııalanatyn qyzmet túrlerine qoıylatyn biliktilik talaptaryna sáıkes kelmeý) – 2, ÁQBtK-niń 426-baby (Farmatsevtıkalyq qyzmettiń jáne dárilik zattar men medıtsınalyq buıymdardyń aınalysy salasynyń qaǵıdalaryn buzý) – 1 jáne 427-baby (Esirtki, psıhotroptyq zattar, prekýrsorlar aınalymy salasyndaǵy obektiler men úı-jaılardyń tehnıkalyq nyǵaıtylý talaptaryn buzý) boıynsha 2 derek anyqtaldy.
Sondaı-aq, Atyraý qalasyndaǵy iri munaı óńdeý mekemelerinen 20 tonnaǵa jýyq prekýrsorlar tárkilenip, qujattar jınaqtalyp, saraptama taǵaıyndaldy. Bul baǵyttaǵy jumystar jalǵasyp jatyr.