Atyraý oblysynda Inder aýdanynyń turǵyndaryna 80 páterlik úı berildi
Jańa turǵyn úı aýdan ortalyǵy – Inderbor kentinde «Kóktem» shaǵyn aýdanynda boı kótergen.
«Inder aýdanynda turǵyn úı qurylysy qarqyn alyp keledi. Qazir munda «Nurly jer» baǵdarlamasymen kópqabatty 7 turǵyn úı salynyp jatyr. Bul úılerden 432 otbasy baspana alady. Búgin 80 páterlik turǵyn úı paıdalanýǵa berildi. Jańa baspana – turǵyndarǵa el táýelsizdiginiń 30 qarsańyndaǵy erekshe syı» -dedi oblys ákimi Mahambet Dosmuhambetov.
Aýdan basshylarynyń aıtýynsha, turǵyn úı kezegine 1 459 adam tirkelgen. Jańa baspana kóp balaly 40 otbasyǵa, álemýttik turmysy tómen 24, ata-ana qamqorlyǵynsyz qalǵan 16 adamǵa berildi. Sonyń biri – kóp balaly ana Larısa Haırosheva.
«Meniń otbasym bul kúndi uzaq kútti. Osy kezge deıin baspanaǵa muqtaj bolǵan edik. Endi mine, jańa páter alǵanymyzǵa otbasymyzben qýanyp turmyz. Ásirese, balalarymyzdyń qýanyshynda shek joq», - deıdi Larısa Haırosheva.
Eske sala ketelik, buǵan deıin Atyraýda elorda kúni qarsańynda jas mamandarǵa páter berilgen edi.