Atyraý oblysynda halyq sanaǵynan 665 360 adam ótti

ATYRAÝ. QazAqparat – Atyraý oblysynda ulttyq halyq sanaǵynan 665 360 adam ótti, dep habarlaıdy QazAqparat.

Oblys ákiminiń orynbasary Narıman Taýshovtyń málim etýinshe, óńirde ulttyq halyq sanaqtyń negizgi jumysy 7 qarashada aıaqtalǵan.

«Atyraý oblysy boıynsha halyq sanaǵynan ótken turǵyndardyń sany 665 360 adamdy qurady. Bul – aǵymdaǵy esepte turǵan turǵyn sanynan 0,2%-ǵa joǵary. Sebebi, bıylǵy 1 tamyzda oblys turǵyndarynyń sany 663 990 adamdy quraǵan. Óńirde 297 839 adam nemese

oblys turǵyndarynyń 45%-y sanaqtan onlaın rejımde ótti. Al, oflaın rejıminde ótkenderdiń sany 367 521 adamdy nemese turǵyndardyń 55%-yn qurady. Endi halyq

sanaǵynyń deregin óńdeý bastalady», -deıdi Narıman Taýshov.

Onyń aıtýynsha, qalalyq jáne aýyldyq jerlerdegi halyqtyń sany men jynystyq quramy týraly statıstıkalyq derekter jeltoqsan aıynda jarııalanady.

Eske sala ketelik, buǵan deıin Atyraý oblysynda halyq sanaǵaynan ótkender sany 550 myńnan asqanyn habarlaǵan bolatynbyz.