Atyraý oblysynda ǵaryshtan barlaý arqyly 68 qoqys alańy tabyldy
Atyraý oblystyq ekologııa departamentiniń basshysy Álibek Bekmuhametovtiń aıtýynsha, «Qazaqstan Ǵarysh sapary» UK» AQ túsirilimimen anyqtalǵan qoqys alańdary geoportaldyń bazasyna tirkelgen.
«Atyraý oblysynyń aýmaǵynda 68 zańsyz ornalasqan qoqys orny anyqtaldy. Onyń ishinde Atyraý qalasynda 63 qoqys orny bar. Al, Jylyoı aýdanynyń aýmaǵynda - 3, Maqat aýdanynda - 2 qoqys alańy ornalasqan. Qazir qoqys alańdaryn tazalaý jumystar óte baıaý júrgizilýde. Áli kúnge deıin aıaqtalǵan joq. Tazalanǵan oryndar týraly aqparattar men qujattar geoportaldan alyp tastaý úshin departamentke joldanbaı otyr», -dep málim etti Álibek Bemuhametov.
Eske sala ketelik, budan buryn Atyraý oblysynda zańsyz 34 polıgon anyqtalǵanyn habarlaǵan bolatynbyz.
Atyraý oblystyq ekologııa departamenti memlekettik ekologııalyq baqylaý bóliminiń bas mamany Ramazan Salyqtyń aıtýynsha, jyl basynan beri ruqsat etilmegen 34 qoqys alańy anyqtalyp otyr: 31-i Atyraý qalasynda, úsheýi Jylyoı aýdanynyń aýmaǵynda ornalasqan.
«Byltyr «Qazaqstan ǵarysh sapary» UK» AQ-nyń deregine sáıkes Atyraý oblysynda ruqsatsyz qaldyq tógilgen 131 oryn anyqtalǵan edi. Onyń ishinde tórteýi Mahambet aýdanynda, 58-i Jylyoı aýdanynyń ortalyǵy – Qulsary qalasynda, ekeýi Maqat aýdanynda, al 67 alań Atyraý qalasynnyń aýmaǵynda tirkeldi. Mahambet aýdanynda – 3, Atyraý qalasynda – 3, Jylyoı aýdanynda 1 qoqys alańynyń aýmaǵy ruqsat etilgen shekaradan tysqary shyqqany belgili boldy», - dep habarlaǵan edi Ramazan Salyq.
Avtor: Bek Mustafa