Atyraý oblysynda et óndirisi artady - oblys ákimi

ATYRAÝ. QazAqparat - Atyraý oblysynyń aýyl sharýashylyǵyn damytýda et óndirisin kóbeıtýge basymdyq beriledi. Bul týraly búgin aımaqtyq kommýnıkatsııalar qyzmetinde ótken brıfıng barysynda Atyraý oblysynyń ákimi Nurlan Noǵaev málim etti.

«Bul baǵytta Atyraý oblysynyń áleýeti óte zor. Jáne sol áleýetti arttyryp, paıdalana bilýimiz kerek. Bul baǵytta árıne tıisti jumystardyń barlyǵyn atqaryp jatyrmyz. Osyndaı merzimge deıin osynsha tonna et óndiremiz dep naqty tsıfrlardy ataı almaımyn qazir. Biraq, bul baǵytta jumys atqarylyp jatyr. Eń bastysy, bólingen sýbsıdııalardyń arqasynda osy baǵytty damytýǵa kómektesýimiz kerek. Eń birinshiden, sharýalarǵa memlekettiń qoldaýy men onyń tıimdiligi týraly tolyq málimet berýimiz kerek», - deıdi ákim.

Esterińizge sala keteıik, oblys boıynsha biraz mal soıatyn tsehtar men et óndiretin nysandar bar. Alaıda, olardyń eń basty problemasy - shıkizat, ıaǵnı, mal etiniń tapshylyǵy. Sondyqtan, oblys ózge óńirlerden, ásirese, Oraldan kóp et tasymaldap otyr.