Atyraý oblysynda elektr berý jelisindegi aqaý neden shyqqany anyqtaldy

ATYRAÝ. QazAqparat – Atyraý oblysynda elektr qýatyn berýde aqaý neden bolǵany anyqtaldy, dep habarlaıdy QazAqparat.

«KEGOK» AQ-nyń Atyraý oblysy batys óńirlik fılıalynyń dırektory Konstantın Chernohaevtyń aıtýynsha, keshe, 10 qańtarda keshki mezgilde elektr jelisiniń 220 kVL-254-Oral-Inder, L-201-Atyraý-Inder jáne «Karabatan Utility Solutions» JShS-nyń 2 generatory ýaqytsha isten shyqqan.

«Sonyń saldarynan «Atyraý jaryq» AQ-nyń elektr jelisin tutynyp otyrǵan Atyraý qalasynyń sol jaǵalaý bóligi, Jylyoı, Inder, Qyzylqoǵa, Mahambet, Qurmanǵazy jáne Maqat aýdanarynyń keı bóligi ýaqytsha elektr jelisinen ajyrap qaldy. Qazir atalǵan elektr jelilerin qalpyna keltirý jumystary shuǵyl júrgizilip, birtindep iske qosylýda», -deıdi Konstantın Chernohaev.

Eske sala ketelik, budan buryn Atyraý oblysynda elektr qýaty óship qalǵanyn jazǵan edik.