Atyraý oblysynda eksport kólemi 758 mln dollarǵa jetti
Oblys ákimi Mahambet Dosmuhambetovtiń tóraǵalyǵymen ótken otyrysta óńdeý ónerkásibinde atqarylǵan jumystar saralandy.
Kásipkerlik jáne ındýstrııalyq-ınnovatsııalyq damý basqarmasynyń basshysy Abdýahıt Ábishevtiń málim etýinshe, bıyl 3 joba iske qosylǵan.
Bul – «BEST MODULE» JShS metal óńdeý zaýyty, Doktor Haýs JShS «Medıtsınalyq betperde óndirisi» jáne Qurmanǵazy aýdanynan «Buıyrǵyn» aýyl sharýashylyǵy óndiristik kooperatıvi.
Bulardyń árqaısynda 40 jumys orny ashylǵan.
«Bıylǵy qańtar-qarasha aılarynda ónerkásip óniminiń kólemi 481,8 mlrd teńgeni qurady. Al, jyl basynan bergi 8 aıda óńdeýshi ónerkásiptegi eksport kólemi 758,9 mln AQSh dollaryna jetti. Óńdeýshi ónerkásiptegi negizgi kapıtalǵa 185,0 mlrd teńge ınvestıtsııa salyndy. Bul saladaǵy eńbek ónimdiligi 6 aıda 1 adamǵa 31,5 myń AQSh dollaryn qurap, naqty kólem ındeksi 106,3%-ǵa artty» dedi Abdýahıt Ábishev.
Inder aýdanynyń ákimi Meıirim Qalaýıdyń aıtýynsha, as tuzyn óndiretin zaýyttyń qurylysy aıaqtalýǵa taıaǵan.
Qazir qural-jabdyq satyp alý jáne mamandardy oqytý qolǵa alynǵan.
Atalǵan zaýytta jergilikti 60 adam jumysqa tartylady.
Zaýytta saǵatyna 25 tonna as tuzyn óndirý kózdelip otyr.