Atyraý oblysynda eki kún mektep pen kolledjdegi sabaq onlaın formatta ótedi

ATYRAÝ. QazAqparat – Atyraý oblysynda mektep pen kolledjdegi sabaq onlaın formatta ótedi. Buǵan kún raıynyń qolaısyzdyǵy sebep boldy, dep habarlaıdy QazAqparat tilshisi.

Atyraýda 3 aqpanda qar jaýyp, aýa raıy temperatýrasy -10 gradýsqa deıin tómendedi. 4 aqpan kúni saǵat 15:00-ge deıin 15-16 sm qar túsken. Al búgin, 7 aqpanda taǵy da qalyń qar jaýdy. «Qazgıdromet» RMM Atyraý oblystyq fılıalynyń bólim basshysy Aına Qazǵulovanyń aıtýynsha, mundaı qalyń qar sońǵy ret osydan 7 jyl buryn, 2016 jyly jaýǵan. Naqtyraq aıtqanda, bir táýlikte Atyraý qalasynda qardyń qalyńdyǵy – 34 sm, Inder aýdanynda – 58 sm bolǵan. Óńirdiń ózge aýdandarda 34-58 sm aralyǵynda jaýdy.

«Qazir jeldiń uıytqýy sekýndyna 15-20 metrge jetip tur. Jeldiń uıytqýynan burqasyn bolýy múmkin», - deıdi Aına Qazǵulova.

Kún raıynyń osylaı qubylýyna baılanysty óńir mektepterindegi sabaq onlaın formatqa aýystyryldy.

«Atyraý oblysynda kún raıynyń qolaısyzdyǵyna baılanysty qala jáne aýdandardaǵy mektepterde 0-11 synyp oqýshylary, kolledj stýdentteri sabaqty búgin, 7 aqpan tústen keıin onlaın formatta oqyp jatyr. Sabaqty onlaın formatta ótkizý ádisi erteń, 8 aqpanda da jalǵasady», - dep habarlady oblystyq bilim basqarmasynyń baspasóz qyzmeti.

Eske sala ketelik, budan buryn Atyraýda mekteptiń elektr jelisinen aqaý shyǵyp, oqýshylar qashyqtan oqýǵa jiberilgenin habarlaǵan bolatynbyz.