Atyraý oblysynda eki qabatty dúken órtenip ketti

ATYRAÝ. QazAqparat – Atyraý oblysynda eki qabatty dúken órtenip ketti, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, órt Qurmanǵazy aýdanynda bolǵan.

«Qurmanǵazy aýylynda 22 shildede saǵat 16:40-ta eki qabatty dukenniń órtengeni týraly habar tústi. Jalyndy sóndirýge 30 órt sóndirýshi men 3 tehnıka jumyldyryldy. Dúkenniń 800 sharshy metr aýmaǵyn sharpyǵan órt saǵat 18:10-da sóndirildi», - dep habarlady departamenttiń baspasóz qyzmeti.

Eske sala ketelik, buǵan deıin Atyraýda «Gaýhartas» turǵyn úı kesheni órtengen bolatyn.