Atyraý oblysynda destrýktıvti dindi ustanýshylar 10-nan asa qylmys jasaǵan

ATYRAÝ. QazAqparat –Atyraý oblysynyń aýmaǵynda destrýktıvti dinı aǵymdy ustanýshylar 10-nan asa qylmys jasaǵan, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, jat aǵymdaǵy tulǵalardyń bótenniń múlkin urlaý, zańsyz balyq aýlaý, bopsalaý, uryp-soǵyp, denege jaraqat salý, qasaqana aýyr dene jaraqatyn keltirý sekildi qylmystarǵa qatysy bar.

«Jyl basynan beri onnan asa qylmysty tergeý barysynda olardyń jalpy quny 2 mln teńge kóleminde materıaldyq zalal keltirgeni anyqtaldy. Sondaı-aq, destrýktıvti ​ dinı aǵym ustanýshylary tarapynan tótenshe jaǵdaı​ rejımin buzý faktileri de tirkelip otyr. Árbir fakti boıynsha qylmystyq jáne ákimshilik jaza júrgizilýde», - dep habarlady departamenttiń baspasóz qyzmetinen.​ ​ ​ ​ ​ ​ ​ ​

Ózge aqparat QR Qylmystyq is-júrgizý kodeksiniń 201-babyna sáıkes jarııalaýǵa jatpaıdy.