Atyraý oblysynda daýys berýshiler arasynda gir tasyn kóterýden saıys ótti

ATYRAÝ. QazAqparat – Atyraý oblysynyń Saǵyz aýylynda gir tasyn kóterýden saıys ótti. Aýyl turǵyny Nurlan Áljanov 16 keli tartatyn eki gir tasyn 56 ret kóterdi, dep habarlaıdy QazAqparat.

Bul saıysty Saǵyz aýyldyq okrýgindegi №155 referendým komıssııasy uıymdastyrdy. Saıys aýyldaǵy «Shuǵyla» mádenıet úıinde ótti.

Oǵan qatysýǵa daýys berýge kelgen jas jigitter qatysty. Bilekti jigitterdiń 6-ýy irikteý kezeńinde daralanyp shyqty.

«Saıysqa qatysqan jigitterge 16 keli salmaǵy bar 2 gir tasyn qatar kóterý talaby qoıyldy. Demek, birden 32 kelini kóterý kerek. Bul árıne, ońaı emes. Gir tasyn kóterýdiń sheshýshi kezeńine ótken 6 jigit te bir-birinen qalyspady. Degenmen, 16 keli eki gir tasyn 56 ret kótergen Nurlan Áljanov birinshi oryndy jeńip aldy. Al, Amanjol Bekbaýlıev osyndaı gir tasyn 52 ret kóterip, ekinshi orynǵa ıe boldy. Úshinshi oryndy enshilegen Dáýren Kádirbek gir tasyn 50 ret kóterdi» dep habarlady aýyldaǵy referendým komıssııasy.

Saǵyz aýylyndaǵy saıystyń jeńimpazy men júldegerleri estelik syılyqpen marapattaldy.