Atyraý oblysynda bıýdjetten 121 mln teńge qoldy bolǵan

ATYRAÝ. QazAqparat - Atyraý oblysynda bıýdjet qarajatyn jymqyrýdyń 26 faktisi anyqtaldy, dep habarlaıdy QazAqparat.

«Bıyl jyl basynan beri bıýdjet qarjysyn jymqyrý boıynsha 26 derek tirkeldi. Onyń ishinde 13 qylmys memlekettik satyp alý salasynda jasalǵan, qalǵan 13 jaǵdaı túrli memlekettik baǵdarlamalardy júzege asyrý kezinde oryn aldy. Sondaı-aq, qylmystyq jolmen jáne bógdeniń múlkin zańdastyrý arqasynda kelgen aqshanyń jylystaǵany anyqtaldy», - dep málimdedi Atyraý oblysy ekonomıkalyq tergeý departamenti.

Barlyq qylmystar boıynsha memleketke 121,9 mln teńge zııan keldi. Búgingi tańda onyń 16,1 mln teńgesi memleketke ótelgen.