Atyraý oblysynda buryn polıgon bolǵan jerler mal jaıylymyna aınaldy
Jyl basynan beri Qyzylqoǵa aýdanynan 41 jeke tulǵa 90 myń gektar jer telimin alyp, iske kiristi. Jalpy, áskerılerden 625 myń gektar jer qaıtarylǵan bolatyn. Sýy tuşy, shabyndyǵy shuraıly Taısoıǵan óńiri mal baǵýǵa óte qolaıly. Qyzylqoǵa aýdanynda biryńǵaı mal ósirýmen aınalysatyn 226 sharýa qojalyǵy men 7 jaýapkershiligi shekteýli seriktestik bar. Olar jaıylymnyń tapshylyǵynan zardap shegip kelgen. Kóp jyldar boıy áskerılerdiń qaramaǵynda bolǵan polıgon endi sharýalarǵa qyzmet etpek.
«Osy jeltoqsan aıynda aýyl sharýashylyǵy jerlerine konkýrs jarııalap otyrmyz. Soǵan 8 myń gektar jer telimin shyǵardyq. Eger de aýyl sharýashylyǵyn damytamyn, mal ósiremin degen adamdar bolsa, sol konkýrsqa qatysýǵa bolady. Bar jaǵdaıda biz qoldaımyz», - deıdi Qyzylqoǵa aýdanynyń ákimi Arman Bájenov.