Atyraý oblysynda bıyl 73 mlrd teńgeniń aýyl sharýashylyǵy ónimi óndirildi
«Atyraý oblysy respýblıkanyń shól jáne shóleıtti, qunarlyǵy tómen aımaǵynda ornalasqan. Soǵan qaramastan mal basynyń barlyq túri ósip keledi. Sońǵy 5 jylda oblys boıynsha aýyl sharýashylyǵy salasynda 19 mlrd teńgege 10 iri joba júzege asyrylyp, 689 jańa jumys orny quryldy. 2020 jylǵa aýyl sharýashylyǵy salasyn qoldaýǵa bıýdjetten 3,2 mlrd teńge qarjy bólindi», - dedi óńir basshysy Ortalyq kommýnıkatsııalar qyzmetindegi baspasóz máslıhatynda.
Mahambet Dosmuhambetovtiń dereginshe, oblysta 33 asyl tuqymdy mal sharýashylyǵy bar. Olardyń tórteýi bıyl quryldy.
«Bıyl egis 9 300 gektardy qurap, ótken jylmen salystyrǵanda 4,5 paıyzǵa, odan alynǵan ónim 6 paıyzǵa ósti. Tutastaı alǵanda, oblystyń aýyl sharýashylyǵynda óndirilgen ónim kólemi 10 aıda 73 mlrd teńgeni qurap otyr», - dedi Atyraý oblysynyń ákimi.