Atyraý oblysynda bir kúnde koronavırýstan 8 adam qaıtys boldy
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 450 adam qaýipti vırýsqa shaldyqqan. Onyń ishinde Atyraý qalasynda – 247, Teńiz ken ornynda 102 naýqas tirkelgen. Ózge naýqastar 7 aýdanda anyqtalǵan.
«Óńirdegi 3 012 tósek-orynǵa arnalǵan ınfektsııalyq statsıonarlarda 1 780 naýqas emdelip jatyr. Qazir mundaǵy júkteme – 59,1 paıyz. Sondaı-aq, statsıonarlardyń 114 orynǵa eseptelgen jansaqtaý bóliminde 87 naýqas oqshaýlandy. Onyń ishinde 14 naýqas ókpeni jasandy jeldetý apparatyna qosylǵan. Jansaqtaý bólimindegi júkteme 87,7 paıyzdy qurap otyr. Ótken táýlikte koronavırýs ınfektsııasynan 8 naýqas qaıtys boldy» -dep habarlady basqarmanyń baspasóz qyzmeti.
Eske sala ketelik, buǵan deıin Atyraýda statsıonarlardyń jansaqtaý bóliminde jatqan 100 naýqastyń jaǵdaıy aýyr ekenin habarlaǵan bolatynbyz.