Atyraý oblysynda bir kúnde 480 adam koronavırýsqa shaldyqty

ATYRAÝ. QazAqparat – Atyraý oblysynda bir kúnde koronavırýs ınfektsııasyna 480 adam shaldyqty, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, Atyraý qalasy qaýipti vırýsty juqtyrýdyń oshaǵyna aınalyp otyr.

«Ótken táýlikte Atyraý qalasynda koronavırýs ınfektsııasyn juqtyrýdyń 406 jaǵdaıy rastaldy. Teńiz ken ornynda 45 naýqas anyqtaldy. Inder aýdanynda 10, Qurmanǵazyda – 10, Qyzylqoǵada – 6, Jylyoıda – 1, Maqatta – 1, Mahambet aýdanynda 1 adamnan qaýipti vırýs belgisi tabyldy», -dep málim etti basqarmanyń baspasóz qyzmetinen.

Qazir úı jaǵdaıynda 3 839 adam oqshaýlanǵan.

Aýdandardaǵy ınfektsııalyq statsıonarlarda - 374, Teńiz kenishindegi statsıonarda - 240, modýldik aýrýhanada - 207, al, №2 oblystyq aýrýhanada - 197, kardıologııalyq ortalyqta - 106, temirjol aýrýhanasynda - 93, ftızıopýlmanologııalyq ortalyqta 87 patsıent emdelip jatyr.

Eske sala ketelik, Atyraýda koronavırýs juqtyrǵandar rezervtegi jataqhanaǵa ornalastyrylyp jatqanyn habarlaǵan bolatynbyz.