Atyraý oblysynda bes munaıly óńirdiń kásipodaqtary bas qosty
Jıynǵa Atyraý oblysynyń ákimi Nurlan Noǵaev, Qazaqstan Respýblıkasy Kásipodaqtar federatsııasynyń tóraǵasy Baqytjan Ábdiraıym, sonymen qatar salalyq kásiptodaqtar men áleýmettik áriptesterdiń ókilderi qatysty.
Basqosýda Aqtóbe, Atyraý, Batys Qazaqstan, Qyzylorda jáne Mańǵystaý oblystarynyń aýmaqtyq kásipodaqtarynyń jetistikteri tanystyryldy.
Elbasynyń Joldaýyndaǵy turǵyndardyń tabysyn arttyrý jáne jalaqy tóleý júıesine qatysty bóligi talqylandy.
«Memleket basshysy Qazaqstan halqyna Joldaýynda eńbek salasyndaǵy basty áleýmettik ındıkator - eń tómengi jalaqy mólsherin ózgertýdi tapsyrǵan bolatyn. Prezıdent jumysberýshilerge osy ózgeristi jáne tómen jalaqy tólenetin jumysshylardyń eńbek aqysyn kóterýdi qoldaýǵa shaqyrdy. Sonymen qatar, eńbek zańnamasynyń talaptarynyń saqtalýyn baqylaıtyn jáne eńbek aqyny tóleý júıesin retteıtin ujymdyq sharttardyń talaptaryn saqtaýdy qamtamasyz etý kerek. ıAǵnı jumysshylardy jappaı bosatý jáne olardy eńbek shartynsyz paıdalanýǵa jol berilmeýi tıis. Osy mindetter barlyq jumys berýshilerge qoıylady», - dedi oblys ákimi Nurlan Noǵaev.
Jıynda munaıly óńirde eńbek salasynda qaýipsizdikti saqtaý jáne qorǵaý boıynsha jetistikter atalyp ótildi. Aıta keterligi, 2018 jyly óndiristik jaraqat alǵan jumyskerlerdiń sany 65 paıyzǵa, qaıtys bolǵandardyń sany 50 paıyzǵa tómendedi.
Avtor: A. Sokolov